本刊特点：第二批认定学术期刊,
期刊基本信息
出版周期：季刊 级别：省级期刊
主管部门：西藏自治区卫生与健康委员会
主办单位：西藏自治区藏医院
编辑部：《雪域藏医药》编辑部
中国国内刊号：CN54-1061/R
国际标准刊号：ISSN 2096-210X
价格：18元/期
杂志社联系方式
地址：西藏拉萨市娘热路26号（西藏自治区藏医院《雪域藏医药》编辑部）
邮编：850000
官方微信公众号：中国藏学研究中心
杂志邮箱：mentsee@126.com
官方网站：http://www.tibetology.ac.cn/2024-01/22/content-42680370.htm
杂志征稿投稿要求
《雪域藏医药》投稿须知【新】（供参考）
【微信公众号“Mentsee”信息】
原创 编辑部 Mentsee 2022-06-10
《雪域藏医药》投稿须知
༄༅། །གངས་ལྗོངས་སྨན་རྩིས་དུས་དེབ་ཀྱི་དཔྱད་རྩོམ་རེ་འདུན།
དུས་དེབ་འདི་ཉིད་སྤྱི་ལོ་༢༠༠༢ལོར་གཉེར་འགོ་ཚུགས་ནས་ད་བར་འདོན་ཐེངས་༥༡དང་དཔྱད་རྩོམ་༡༣༠༠ལྷག་སྤེལ་ཡོད་ཅིང་། དུས་རབས་ཀྱི་འགྲོས་དང་མཐུན་པར་གངས་ལྗོངས་སྨན་རྩིས་བསྟན་པ་འཛིན་སྐྱོང་སྤེལ་བའི་བྱ་གཞག་རླབས་པོ་ཆེ་བསྒྲུབ་པར་དམིགས་ནས། ང་ཚོས་དུས་དེབ་ཀྱི་སྤུས་ཚད་ཕྱོགས་ཡོངས་ནས་ལེགས་བཅོས་བྱ་ཆེད་སྔར་ལས་ལྷག་པའི་འབད་བརྩོན་ཞུ་ངེས་ལགས་པས། མཁྱེན་སྤྱན་ཡངས་པའི་རྩོམ་པ་པོ་ཡོངས་ནས་ཕུལ་བྱུང་གི་དཔྱད་རྩོམ་བསྐུར་གནང་བ་དང་སྦྲགས། དཔྱད་རྩོམ་ལ་གཤམ་གསལ་གྱི་ཆ་རྐྱེན་རྣམས་ཚང་ངེས་ཡོད་པར་ཞུ།
དང་པོ། བརྗོད་བྱ།
༡ བརྗོད་བྱའི་ཁྱབ་ཁོངས་ནི། བོད་ཀྱི་སྨན་རྩིས་རིག་པ་དང་འབྲེལ་བའི་ལོ་རྒྱུས་དང་། རིག་གཞུང་། མཐོང་བརྒྱུད་ཕྱག་ལེན། ཉམས་མྱོང་མན་ངག །སྨན་རྫས་ངོས་འཛིན་དང་སྦྱོར་བཟོ། ཚན་རྩལ་ཞིབ་འཇུག་དང་སློབ་གསོ་སོགས་ཡིན།
༢ བརྗོད་བྱའི་ནང་དོན་གསལ་ཞིང་། རྩོམ་སྲོག་གམ་གཙོ་དོན་བརྟན་ཅིང་འབུར་དུ་ཐོན་པ། འབྲེལ་མེད་ཀྱི་བརྗོད་དོན་གཞན་མེད་པ་དགོས།
༣ བརྗོད་བྱ་དོན་དངོས་དང་མཐུན་ཞིང་། ལྟ་བ་རང་ཚུགས་ཟིན་པ། གསར་གཏོད་རང་བཞིན་དང་། ཚན་རིག་ཞིབ་འཇུག །ལག་ལེན་གྱི་རིན་ཐང་ལྡན་པ། ཕན་འབྲས་ཆེ་བའི་དཔྱད་བརྗོད་ཀྱི་རང་བཞིན་བཅས་ཡོད་དགོས།
གཉིས་པ། རྗོད་བྱེད།
༡ བོད་ཀྱི་བརྡ་དག་གི་འགྲོས་དང་མཐུན་ཞིང་ཚིག་སྦྱོར་སྙན་ལ་བརྗོད་པ་བདེ་བ། དགོས་མེད་ཀྱི་ཚིག་ཉོག་ཉུང་ཞིང་དག་ནོར་མེད་པ།
༢ བོད་ཡིག་ཧི་མ་ལ་ཡའི་ཡིག་གཟུགས་ཡིན་དགོས་ཞིང་། ཡིག་འབྲུ་༣༠༠༠ནས་༧༠༠༠བར་ཡོད་ཆོག །
༣ བསྒྲུབ་བྱ་སྒྲུབ་བྱེད་གནད་ལ་འཁེལ་ཞིང་དགག་བཞག་སོགས་ལུང་རིགས་ཁ་གསལ་ཁུངས་ལྡན་ཡོད་དགོས།
༤ དེ་སྔོན་དུས་དེབ་ཚད་ལྡན་ཁག་ཏུ་བཀོད་མྱོང་མེད་པ་དང་བརྐུས་རྩོམ་མ་ཡིན་པ།
གསུམ་པ། སྒྲོམ་གཞི།
༡ རྩོམ་གྱི་ཁ་བྱང་གསལ་ཤིང་རྒྱས་བསྡུས་འཚམས་ལ་ནང་དོན་དང་མཐུན་པ།
༢ ནང་དོན་གནད་བསྡུས་ཡིག་འབྲུ་༡༠༠ནས་༣༠༠ཙམ་གྱིས་བརྗོད་བྱའི་ནང་དོན་གྱི་གནད་བསྡུས་སུ་བསྟན་དགོས། གནད་བསྡུས་འབྲི་སྐབས་ཞིབ་འཇུག་གི་དམིགས་ཡུལ་དང་།（目的） ཐབས་ལམ།（方法） འབྲས་བུ། （结果）མཇུག་སྡོམ་（结论）བཅས་སྒྲིག་གཞི་ཅན་གྱི་སྒོ་ནས་འབྲི་དགོས།
༣ གནད་ཚིག་ནི་དཔྱད་རྩོམ་གྱི་གཙོ་དོན་དང་འབྲེལ་བའི་ཐ་སྙད་གཙོ་བོའམ་གནད་འགག་གི་ཚིག་༣ནས་༨བར་འབྲི་དགོས།
༤ ས་བཅད་གཙོ་ཕལ་དང་ཆེ་ཆུང་དབྱེ་སྟངས་འཚམས་ཤིང་ཁ་གསལ་བ་དང་། ནང་དོན་གོ་རིམ་ལྡན་ལ་ཟློས་སྐྱོན་དང་ཆད་ལུས་མེད་ཅིང་མགོ་མཇུག་ཚང་བ་དགོས། དཔྱད་རྩོམ་འབྲི་སྐབས་གླེང་གཞི་དང་། དངོས་གཞིའི་ནང་དོན། མཇུག་བསྡུ་བ་བཅས་ཀྱི་སྒོ་ནས་འབྲི་དགོས་ལ། དངོས་གཞིའི་ནང་དོན་ལ་ས་བཅད་བསྒོ་སྐབས། དང་པོ། གཅིག ༡ ༡.༡ ༡.༡.༡ ༢ ༢.༡ ༢.༡.༡ ༢.༡.༢ གཉིས། ༡ ༡.༡ ༡.༡.༡ ༢ ༢.༡ ༢.༡.༡ ༢.༡.༢ ………ལྟར་དུ་དཔྱད་རྩོམ་གྱི་ནང་དོན་ཆེ་ཆུང་རིམ་བཞིན་ས་བཅད་ཞིབ་ཕྲར་དབྱེ་དགོས།
༥ དཔྱད་གཞིའི་ཡིག་རིགས་ཁུངས་བཙན་ཡོད་པ་དང་། ལུང་འདྲེན་གྱི་ཚིག་རྣམས་ཡིག་འབྲུ་གཅིག་ཀྱང་ནོར་འཛོལ་མེད་པ་དགོས་པར་མ་ཟད། ཞབས་མཆན་གྱི་ཨང་རྟགས་གོ་རིམ་བཞིན་ཤོག་ངོས་དེའི་འོག་ཏུ་ལུང་འདྲེན་གྱི་དཔེ་ཆའི་མཚན་དང་ཤོག་གྲངས་འགོད་དགོས་པ་(དཔེར་ན། ཤེལ་གོང་ཕྲེང་། ཤ༨༨ ལྟ་བུ།)དང་། ཞབས་མཆན་འདིའི་ནང་གསལ་བཤད་དགོས་རིགས་གཞན་ཡོད་ནའང་འབྲི་ཆོག །
༦ དཔྱད་རྩོམ་འབྲེལ་ཡོད་ཀྱི་པར་རིས་འཇོག་ན་ངེས་པར་དུ་གསལ་པོ་དགོས་ལ། པར་རིས་དག་གོ་རིམ་ལྟར་བཞག་ནས་འོག་ཏུ་ཨང་གྲངས་དང་པར་རིས་གསལ་བཤད། ཡོང་ཁུངས་སོགས་འབྲི་དགོས་སྟེ། དཔེར་ན། པར་རིས། ༡ གཡུ་ཐོག་གསར་མ་ཡོན་ཏན་མགོན་པོ། （པོ་ཏཱ་ལའི་ལྡེབས་རིས）པར་རིས༢ གཡུ་ཐོག་གསར་མའི་འཁྲུངས་ཡུལ་སྒོ་བཞི་རེ་ཐང་། （རྩོམ་པ་པོས་པར་བླངས）ལྟ་བུ།
༧ དཔྱད་རྩོམ་འབྲེལ་ཡོད་ཀྱི་རེའུ་མིག་ཡོད་ན་དུས་དེབ་ཏུ་རྩོམ་སྒྲིག་བྱེད་བདེ་བ་ཞིག་དགོས་ལ། རེའུ་མིག་དག་གོ་རིམ་ལྟར་བཞག་ནས་འོག་ཏུ་ཨང་གྲངས་དང་རེའུ་མིག་གསལ་བཤད་བསྡུས་པ་རེ་འབྲི་དགོས་སྟེ། དཔེར་ན། རེའུ་མིག ༡ ཉེས་གསུམ་ལས་སྐོམ་དད་འབྱུང་གྲངས། རེའུ་མིག ༢ ནད་སྟོབས་ཆེ་ཆུང་ལས་སྐོམ་དད་ཚད་གཞི་འཇོག་ལུགས། ལྟ་བུ།
༨ དཔྱད་གཞིའི་ཡིག་ཆ་འབྲི་སྐབས་ཐོག་མར་བོད་ཡིག་གི་ཡིག་ཆ་རྣམས་ཀ་མད་གོ་རིམ་ལྟར་འཇོག་དགོས་པ་དང་། དེའི་རྗེས་སུ་རྒྱ་ཡིག་གི་ཡིག་ཆ་拼音གོ་རིམ་ལྟར་འཇོག་རྒྱུ། དེའི་རྗེས་སུ་དབྱིན་ཡིག་གི་ཡིག་ཆ་ABCཡི་གོ་རིམ་ལྟར་འཇོག་དགོས། དཔེར་ན། དཔྱད་གཞིའི་ཡིག་ཆ། 1. དེལ་དམར་བསྟན་འཛིན་ཕུན་ཚོགས་ཀྱིས་མཛད་པའི་ཤེལ་གོང་ཕྲེང་།[M]མི་རིགས་དཔེ་སྐྲུན་ཁང་གིས་༡༩༩༠ལོར་པེ་ཅིན་དུ་དཔར། 2.卡斯蒂格略尼，世界医学史，第一卷，[M] 商务印书馆，北京，1986. 3.Yang ga. Sources of the rgyud bzhi, a Tibetan medical classic. [D] Harvard University. 2010.ལྟ་བུ་འབྲི་དགོས། དེ་ཡང་། དཔྱད་གཞིའི་ཡིག་ཆ་དེ་དཔེ་དེབ་ཡིན་ན་རྟགས་[M]འདི་དང་། ཕྱོགས་བསྒྲིགས་ལ་[G] སློབ་གནས་དཔྱད་རྩོམ་ལ་[D] འོད་སྡེར་ལ་[CD] དུས་དེབ་ལ་[J] ཚགས་པར་ལ་[N] སྙན་ཞུ་ལ་[R] འཁོར་འབྲེལ་དྲ་རྒྱ་ལ[OL]གྲངས་མཛོད་ལ་[DB]བཅས་རྟགས་སོ་སོར་འགོད་དགོས།
༩ དཔྱད་རྩོམ་གྱི་མཇུག་ཏུ་རྩོམ་ཡིག་གི་ཁ་བྱང་དང་རྩོམ་པ་པོའི་མཚན། ལས་ཁུངས། སྦྲག་ཨང་། སློབ་གནས་སམ་ལག་རྩལ་གོ་མིང་། ནང་དོན་གནད་བསྡུས། གནད་ཚིག་སོགས་བོད་རྒྱ་དབྱིན་གསུམ་ཤན་སྦྱར་བྱས་ནས་འབྲི་དགོས།
༡༠ མཇུག་ཏུ་རྩོམ་པ་པོའི་འབྲེལ་གཏུག་ཨང་གྲངས་ཁ་གསལ་འགོད་དགོས།
བཞི་པ། བསྐུར་སྟངས།
དཔྱད་རྩོམ་ཆ་ཚང་མཉེན་ཆས་Microsoft Wordསྤྱད་ནས་ཧི་མ་ལ་ཡའི་ཡིག་གཟུགས་སུ་འབྲི་དགོས་པ་དང་། ལོ་རེའི་ཟླ་དང་པོ། བཞི་པ། བདུན་པ། བཅུ་པ་བཅས་སུ་དུས་དེབ་རེའི་དཔྱད་རྩོམ་འདེམས་སྒྲུག་བྱེད་བཞིན་ཡོད་པར་བརྟེན། ཞུས་དག་ལེགས་པར་ཟིན་རྗེས་དུས་ལྟར་དྲ་ལམ་ནས་བསྐུར་རོགས། ཡིག་ཆའི་མིང་བོད་ཡིག་གི་དཔྱད་རྩོམ་ཁ་བྱང་མཇུག་ཏུ་རྩོམ་པ་པོའི་མཚན་སྦྱར་ནས་བསྐུར་དགོས། དཔེར་ན། མགོ་ན་བའི་རྒྱུ་ལ་རགས་ཙམ་དཔྱད་པ། ཚེ་རིང་། ཕུར་བུ་དོན་གྲུབ། ལྟ་བུ། རྩོམ་སྒྲིག་གི་རེ་བ་ལྟར་བཟོ་བཅོས་བརྒྱབ་པའི་དཔྱད་རྩོམ་ཡིན་ན་ཡིག་ཆའི་མིང་བོད་ཡིག་གི་དཔྱད་རྩོམ་ཁ་བྱང་མཇུག་ཏུ་བཟོ་བཅོས་ཞེས་བྲིས་ནས་བསྐུར་དགོས། དཔེར་ན། མགོ་ན་བའི་རྒྱུ་ལ་རགས་ཙམ་དཔྱད་པ། བཟོ་བཅོས། ལྟ་བུ།
རྩོམ་བསྐུར་ཡུལ།
དྲ་ལམ་གློག་རྡུལ་ཡིག་སྒམ། mentsee@126.com
འཕྲིན་ལམ་འབྲེལ་གནས།
བོད་ལྗོངས་ལྷ་ས་ཉང་བྲན་ལམ་སྒོ་རྟགས་༢༦པ།
བོད་རང་སྐྱོང་ལྗོངས་སྨན་རྩིས་ཁང་།
གངས་ལྗོངས་སྨན་རྩིས་དུས་དེབ་རྩོམ་སྒྲིག་ཁང་།
西藏拉萨市娘热路26号 850000（西藏自治区藏医院《雪域藏医药》编辑部）
འབྲེལ་གཏུག་ཨང་གྲངས། ༠༨༩༡-༦༡༦༠༤༩༢
གངས་ལྗོངས་སྨན་རྩིས་དུས་དེབ་རྩོམ་སྒྲིག་ཁང་ནས།
༢༠༢༢ལོའི་ཟླ་༦པའི་ཚེས་༡༠ཉིན།